Kuman "Barsa" haydayotgan shogirdi haqida gapirdi

"Barselona"ning sobiq bosh murabbiyi Ronald Kuman o‘z vatandoshi hamda Kataloniya klubining 25 yoshli niderlandiyalik yarim himoyachisi Frenki De Yongning ketishi borasidagi mish-mishlarga nisbatan o‘z fikrini bildirdi. 

"Men buni aniq ayta olaman, u "Barsa"da qolmoqchi. Frenki bir necha kun oldin menga ushbu klubda faoliyatini davom ettirishini istayotgani haqida aytdi. Klub uni sotmoqchimi yoki yo‘q, buni bilmayman. Biroq ularga pul kerak. Mantiqan olib qaralsa, De Yong yaxshigina pul ishlab olish mumkin bo‘lgan kam sonli futbolchilardan biri", - dedi Kuman.