Kurashchimiz Osiyo chempionatida bronza medaliga sazovor bo‘ldi

Xabar berganimizdek, bugun Xitoyning Tsian shahrida sport kurashlari bo‘yicha Osiyo chempionati start oldi. Quvonarlisi, birinchi kun bellashuvlari terma jamoamiz uchun omadli yakunlandi.

-57 kilogramm vazndagi sportchilar o‘rtasida gilamga chiqqan Mahmud Shavkatov bronza medaliga egalik qildi. Hamyurtimiz shohsupaga ko‘tarilish uchun kechgan bellashuvda tojikistonlik Hikmatillo Vohidovni dog‘da qoldirdi. Ertaga bahslarni ham erkin kurashchilar davom ettirishadi, deya xabar bermoqda MOQ.