La Liga. So‘nggi daqiqalarda "kalla qo‘yish"dan charchamayotgan "Atletiko" alamli tarzda mag‘lub bo‘ldi

La Liga 12-turidan o‘rin olgan "Kadis" - "Atletiko" bahsi yakunlandi. Mazkur bellashuvda mezbonlar 3:2 hisobida raqibdan ustun keldi. 

2:0 hisobida ortda borayotgan "matraschilar" 85 va 89-daqiqalarda urilgan gollar evaziga muvozanatni tikladi, ammo 90+7-daqiqada Sobrino gol urib, jamoasiga g‘alaba keltirdi. 

Qayd etish lozim, Madridliklarning ilk golida Felishning zarbasidan so‘ng raqib futbolchisi o‘z darvozasini ishg‘ol etib qo‘ydi. Ikkinchi golni esa portugalning o‘zi urishga muvaffaq bo‘ldi.