"Liverpul" o‘z tarixida rekord seriya o‘rnatdi

 Angliya chempionati 3-turining markaziy o‘yinida "Liverpul" Londonning "Arsenal" klubini minimal hisobda mag‘lub etdi. Shu tariqa, Angliya futbolining amaldagi chempioni har bir o‘yinda kamida bittadan gol uradigan o‘yinlar seriyasini 37 taga etkazdi. Bu mashhur klub tarixidagi rekord seriyadir.

Oxirgi marta "Liverpul" deyarli bir yil oldin APL o‘yinida gol ura olmagandi. 2024 yil 14 sentyabr kuni klub o‘z uyida "Nottingem Forest"ga minimal hisobda yutqazdi. O‘shandan beri "Liverpul" chempionatning o‘tgan barcha o‘yinlarida (37) hech bo‘lmaganda gol urib kelmoqda.