Luka Modrich A Seriyada beshta ko‘rsatkich bo‘yicha etakchi

40 yoshli "Milan" yarim himoyachisi Luka Modrich Italiya chempionatida bir qator statistik ko‘rsatkichlarda peshqadam bo‘lib turibdi.

"Opta Sports"ning ma’lumotlariga ko‘ra, xorvatiyalik futbolchi quyidagi beshta yo‘nalishda etakchilik qilmoqda:

Aniq uzatmalar soni (300),

Raqib yarim maydonidagi paslar (169),

Chiziqlar orasidan berilgan uzatmalar (46),

To‘pni qaytarib olish holatlari (31),

Raqib pasini to‘sgan holda qaytarib olish (10).

Shuningdek, Modrich A Seriyadagi besh uchrashuvda 1 ta gol va 1 ta golli uzatma qayd etdi.

Eslatib o‘tamiz, yulduz futbolchi joriy yozda erkin agent sifatida "Milan"ga o‘tgan edi. Undan oldin 13 mavsumni "Real Madrid" safida o‘tkazgan.