MЮ "ingliz Dembelesi"ni oʻz safiga qoʻshib olmoqchi

Angliyaning ikki klubi — «Manchester Yunayted» va «Everton» 23 yoshli vinger Jonathan Rouni o‘z safiga qo‘shib olish uchun kurash olib bormoqda. U Seriya Ada o‘tgan mavsumdagi yorqin o‘yini orqali APLning yetakchi jamoalari e’tiborini tortdi. Mutaxassislar uni uslubi jihatidan fransuz hujumchisi Usman Dembele bilan taqqoslamoqda.

Italiyaning Corriere di Bologna nashri yozishicha, Rou hozir himoya qilayotgan «Bologna» klubi uning transferi uchun taxminan 35 million funt talab qilmoqda. «Manchester Yunayted» ham, «Everton» ham futbolchining ikki qanotda birdek o‘ynay olish qobiliyatini asosiy afzallik sifatida ko‘rmoqda.

O‘tgan mavsumda Jonathan Rou «Bologna» tarkibida barcha musobaqalar hisobga olinganda 43 ta o‘yinda maydonga tushdi. U shu davr mobaynida sakkizta gol urdi va to‘rtta golli uzatma amalga oshirdi.