"Manchester Siti" Gvardiolning jarohati bo‘yicha ma'lumot berdi

"Manchester Siti" Yoshko Gvardiolning oʻng oyogʻida boldir suyagi sindirganini tasdiqladi.

Mazkur jarohat "Chelsi"ga qarshi boʻlib oʻtgan 1:1 hisobidagi oʻyinning ikkinchi taymida yuz bergan. Maʼlumot oʻrnida, xorvatiyalik futbolchi 50-daqiqada jarohat olib, almashtirildi. Uning oʻrniga esa hamyurtimiz Abduqodir Husanov zahiradan oʻyinga qoʻshildi.

Himoyachi hafta davomida jarrohlik amaliyotini oʻtkazadi va jarohatning toʻliq koʻlami hamda taxmin qilingan davolash muddati hozirda baholanmoqda.

Maʼlumot oʻrnida, "shaharliklar" navbatdagi uchrashuvini 7 yanvar kuni "Brayton"ga qarshi oʻtkazadi. Gvardiolning yoʻqligi bois, vakilimizning maydonga tushish ehtimoli yuqoriroq.