
“Manchester Yunayted” hech kim kutmagan murabbiyni olib kelmoqchi
“Manchester Yunayted”ning niderlandiyalik bosh murabbiyi Erik ten Xag jamoani qabul qilib olganidan beri barqarorlikni ta’minlay olmayapti.
Garchi yozda klub rahbariyati tajribali mutaxassis bilan shartnomani uzaytirgan bo‘lsa-da, mavsum boshidagi mag‘lubiyatlar va kutilmagan ochko yo‘qotishlar Erik ten Xagning kursisini qimirlatib qo‘ydi.
So‘nggi ma’lumotlarga qaraganda, “Manchester Yunayted” xo‘jayinlari jamoaga “Inter” bosh murabbiyi Simone Indzagini taklif qilishni rejalashtira boshladi.
Italiyalik mutaxassis katta jamoalarni boshqara olish, har qanday musobaqada natija ko‘rsatish qobiliyati bilan “Manchester Yunayted” rahbariyati e’tiborini tortmoqda.
Ekspertlar bu transferni amalga oshirish o‘ta murakkab ekanini ta’kidlamoqda. “Manchester Yunayted” xo‘jayinlari esa Simone Indzagi masalasini kelasi yoz hal qilishni mo‘ljallayapti.
Fikrlar