"Manchester Yunayted" na qatarliklarga, na britaniyaliklarga sotilmadi. Buning sababi ham ma’lum

"Manchester Yunayted" aktsiyalarining asosiy paketiga egalik qiluvchi Gleyzerlar oilasi klubni sotishni keyinroqqa surishi mumkin. Bu haqda The Guardian nashri xabar bermoqda.

Manbaga ko‘ra, amerikalik ishbilarmonlar Qatar shayxi Jasim bin Hamad Ol Soniy va britaniyalik milliarder Jim Ratkliffning taklifidan qoniqmagan. Potentsial xaridorlar kelishuv uchun taxminan 4,5 milliard evro ajratishga tayyor edilar.

Gleyzerlar, o‘z navbatida, "Manchester Yunayted"ni sotishdan kamida olti milliard daromad olishni rejalashtirmoqda. Shu munosabat bilan kelishuv yozgacha qoldirilgan.

Eslatib o‘tamiz, amerikaliklar Angliya top-klubiga 2005 yildan beri egalik qilishadi.