Manchesterlik futbolchilar jamoaga murabbiy tanladi

Қанот ҳужумчиси Амад Диалло “Манчестер Юнайтед” футболчилари таниқли мутахассис Майкл Кэррик бу мавсумдан кейин ҳам бош мураббий лавозимида қолишини исташини айтди.

Январь ойида Кэррик тайинланганидан бери “Юнайтед” Премьер-лигада учинчи ўринга кўтарилди ва Чемпионлар лигасига қайтиш учун яхши имкониятга эга бўлди.

Нафақат натижалар, балки жамоа ичидаги муҳит ҳам яхшиланди. Диалло ва унинг жамоадошлари Кэррик билан ишлашдан мамнун ва Амад уни “Юнайтед” учун “тўғри танланган мутахассис”, деб ҳисоблайди.

- Албатта, унинг келажагини биз футболчилар ҳал қилмаймиз, аммо у ажойиб мутахассис. У жамоа учун жуда кўп иш қилмоқда, катта тажрибага эга, клубни билади ва ўша “Манчестер Юнайтед” ДНКсига эга.

Биз уни тўғри инсон, деб ўйлаймиз ва ҳозир қилаётган ишларидан жуда мамнунмиз. Кэррик  бу жамоани бошқариш учун ажойиб тажрибага эга, у жуда яхши ишлаяпти ва ҳар бир футболчи билан яхши муносабатда. Баъзан шундай мураббий билан клуб ўзига муносиб даражага ета олади.

Менимча, клуб қарорни мавсум охирида қабул қилади. Биз унинг мураббий сифатида борлигидан жуда мамнунмиз ва у яхши ишлаяпти — бу менинг самимий фикрим.

Майкл келганидан бери барчага ғалаба қозонишни ва келаси мавсум Чемпионлар лигасига чиқишни исташини аниқ кўрсатди, шунингдек ҳар биримиз билан алоҳида ишлаяпти. Биз унинг мураббийлигидан жуда мамнунмиз, - деди Диалло The Telegraph нашрига.