Машҳур клубга ажратилган автобусдан 80 килограммдан ортиқ наркотик чиқди
Уч киши қўлга олинди
Бразилиянинг машҳур “Сан-Паулу” футбол клуби делегациясини олиб юриши керак бўлган автобус Боливияда ушланди. Бу ҳақда UOL хабар берди.
12 август куни “Сан-Паулу” Жанубий Америка кубоги 1/8 финалининг биринчи учрашувида сафарда “Боливар” билан 1:1 ҳисобида дуранг ўйнади.
“Сан-Паулу” рамзлари туширилган автобусдан умумий оғирлиги 86,5 килограмм бўлган гиёҳванд моддалар солинган 4 та сумка топилган.
Боливия полициясининг қишлоқ ҳудудларида ишловчи тезкор бўлинмаси операцияси давомида автобуснинг 3 нафар ҳайдовчиси қўлга олинган.
Шу билан бирга, “Сан-Паулу” делегацияси ушланган автобусдан фойдаланмаган. Клуб вакилларининг маълум қилишича, жамоа бошқа транспорт воситасида ҳаракатланган.
Izohlar (0)