Mauritsio Sarri Evropaning ayni damdagi eng kuchli chap qanot himoyachisi kimligini aytdi

Londonning "Chelsi" klubi bosh murabbiyi Mauritsio Sarri jamoa himoyachisi Markos Alonso haqida o‘z fikrlarini bildirib o‘tdi.

“Alonsoning o‘yini? Balkim u ayni damda Evropaning eng kuchli chap qanot himoyachisidir. U ajoyib jismoniy tayyorgarlikka ega va hujumda ham juda faol. Lekin men uning himoyadagi o‘yinini kuchaytirishi kerak deb o‘ylayman. Agar u buni ham o‘zlashtira olsa, u holda aniq dunyoning eng kuchli qanot himoyachisiga aylanadi”, - deydi italiyalik mutaxassis.