Men “Barsa” xo‘jayiniga yoqmayman!

“Barselona”ning sobiq bosh murabbiyi Ronald Kuman klub prezidenti Joan Laporta uni ketkazish uchun ishlaganini oshkor qildi.

- Men Laportaga yoqmaydigan murabbiyman. Boshidan buni sezgandim. Yuqoridan qo‘llab-quvvatlashlarni his qilganim yo‘q.

Men uchun pul asosiy omil emas. “Barselona”da murabbiy sifatida natija ko‘rsatish uchun qo‘limdan kelganini qilmoqchi edim. Lekin keyinchalik Laporta mendan qutilmoqchiligini tushunib qoldim, chunki meni u tayinlamagan edi.

Laporta menga Xavini tajribasi etishmasligi uchun bosh murabbiy qilmasligini ming marta aytgan. Unga yashirinish uchun qalqon kerak edi xolos, - dedi Ronald Kuman.

Kuman kataloniyaliklarni 2020 yilning avgustida qabul qilib olgandi. Uning qo‘l ostida jamoa Ispaniya kubogini yutdi, chempionatda bronza medalga sazovor bo‘ldi. Niderlandiyalik murabbiy 2021 yilning oktyabrida iste’foga chiqarildi.