Messi endi “Barselona” futbolchisi emas!
Lionel Messi va “Barselona” o‘rtasidagi mojaro tobora chuqurlashib bormoqda. Klubda tibbiy ko‘rikdan o‘tish va Kuman mashg‘ulotlariga kelishdan bosh tortgan argentinalik yulduz endi “Barselona” rahbariyatini La Ligada o‘ynamasligi haqida ogohlantirdi.
Messi ayni paytda o‘zini “Barsa” o‘yinchisi emasligini uqtirmoqda. Shuning uchun klub bazasiga kelishga majbur emasligini ta’kidlamoqda. U birinchi mashg‘ulotga etib kela olmasligi ma’lum bo‘lgan.
Agar Messi rahbariyatga qarshi bosh ko‘tarishda davom etsa, majburiyatlarini bajarmagani va 11 kundan 30 kungacha klub ixtiyoriga kelmagani uchun maoshining 25 foizidan ayrilishi mumkin. Messining bir kunlik maoshi 110 ming evroni tashkil qiladi.
Messining o‘zi ayni paytda klub oldida hech qanday majburiyati yo‘qligi uchun uni jazoga tortish noto‘g‘ri ekanini aytmoqda.
Fikrlar