"Milan" Evropa ligasi uchun bergan qaydnomasini o‘zgartirdi
“Milan” UEFA Evropa ligasining pley-off bosqichidan oldin qaydnomada ayrim o‘zgarishlarni amalga oshirdi.
La Gazzetta dello Sport nashrining xabar berishicha, “rossonerilar” qaydnomaga Mario Manjukich, Fikayo Tomori va Sualio Meyte kabi yangi futbolchilarni kiritgan. Guruh bosqichining 5 ta uchrashuvida 3 ta gol urgan yarim himoyachi Yens Xeuge esa qaydnomadan olingan.
“Milan” Evropa ligasining 1/16 final bosqichida “Tsrvena Zvezda” klubiga qarshi o‘tkazadi. Jamoalarning dastlabki to‘qnashuvi 18 fevral kuni bo‘lib o‘tadi.
Fikrlar