"Milan"ga yozda braziliyalik futbolchi kelishi mumkin

"Milan" mavsum so‘nggida erkin agent maqomini oladigan "Portu" yarim himoyachisi Otavio bilan shartnoma imzolashga urinib ko‘rmoqchi.

"Rossonerilar" 25 yoshli futbolchining agenti bilan muzokaralarga kirishdi.  Jurnalist Nikolo Skira ma’lumotiga ko‘ra, "Milan" braziliyalik futbolchiga 3 million evro maoshga ega 4 yillik shartnoma taklif qilmoqchi.

Otavio Portugaliya chempionatining joriy mavsumida 11 ta o‘yinda maydonga tushib, 2 ta gol kiritdi va 4 ta golli uzatmani amalga oshirdi.