Mourinьoning asablarini jumbushga keltirgan uch superyulduz nomi ma'lum bo‘ldi

Qarib borayotgan Joze Mourin'yo oxirgi oʻyinda qancha nerv hujayralarini yoʻqotganini tasavvur qilish qiyin emas. Portugaliyalik murabbiy qoʻl ostidagi «Real» hali ham oson gʻalaba yoʻlini topa olani yoʻq. Bu gal toʻqnashuv ham har doimgidek biror mojaro, intriga yoki keskin ehtiroslarga boy boʻldi. Hisobdagi ustunlik odatda minimal, oʻyinda esa bunday ustunlik deyarli koʻrinmaydi.

«Vilyarreal» ustidan gʻalabani ham madridliklar kamchilikda saqlab qolishga majbur boʻlishdi. Ijobiy tomoni – yana bir bor ishonchli oʻynagan Kurtua va Gyuler (shubhasiz, eng yaxshilar), Valverdening slalomga oʻxshash reydi va Yan Diomandening «Real»dagi ilk goli.

Ammo gʻalaba qozonilganiga qaramay, qaysi futbolchilar oʻyin darajasidan past boʻldi?  «Yevro-futbol» nashri Joze Mourin'yo shogirdlariga subyektiv baholar qoʻydi: uchrashuvni 6 balldan boshlab, maksimal bahoni 10 deb belgilagan.

«REAL» – «VILLYARREAL» UCHRASHUVIDA ISHONCHNI OQLAMAGAN UCH OʻYINCHI

VINISIUS – 2,0. Bu qanday oʻyin oʻzi? Vinisiusning maydondagi oʻzini tutishi tushunarli emas. Hakmga baqirib-chaqirishi uchun uni yana necha oʻyinga diskvalifikatsiya kutayotganini faqat taxmin qilish mumkin. Asosan oʻyinga yomon kirib kelmadi: Mbappe uchun golli vaziyat yaratdi, oʻzi ham zoʻr sprintdan soʻng gol urdi.

Lekin uchrashuv boshlanishidan oldin Salibaning sochidan ochiqchasiga ushlab tortish nima kerak edi? Bu qoʻpollik, ahmoqona, hatto juda ojiz harakat. Gol oʻrniga toʻgʻri berilgan qizil kartochka. Jamoani ochiqdan-ochiq qiyin ahvolga solib qoʻydi, diskvalifikatsiya davrida, ehtimol, qandaydir psixologik kurslarga borishi kerak boʻladi.

JUD BELLINGEM – 3,0. Vinisius Bellingemning yagona haqiqiy yuqori darajadagi harakatini ham soya ostida qoldira olgani ajablanarli. Kuch yetishmasligi Jud oʻyiniga taʼsir qildi, ammo u bitta fenomenal slalom reydi amalga oshirib, uni golli uzatma bilan yakunladi. Vining qilmoqchi boʻlgan ish esa shu epizodning ahamiyatini ham yoʻqqa chiqardi.

Qolgan vaqtda Bellingem hujumni oʻtkirlash­tirishda koʻp adashdi: 30 uzatmaning 9 tasi manzilga yetmadi, kurashlarda 13 dafadadan 8 tasida yutqazdi va sariq kartochka oldi.

KILIAN MBAPPE – 3,0. Uchta aniq golli vaziyatni yoʻq qildi, uch marta ofsaydga tushdi. Qilian Mbappening harakatlanishi yomon emas, lekin bunday yakun bilan bundan foyda yoʻq. Fransiyalik hujumchi darvozani aniq nishonga olish masalasini shoshilinch ravishda yoʻlga qoʻyishi shart, aks holda «Real» yarimhimoyasi katta hajmda ishlab, samarasiz qolaveradi.