"Mourino hech qachon himoyada o‘ynashimiz kerakligini aytmagan"

"Tottenxem" hujumchisi Xarri Keyn Premer-liga 19-turidan o‘rin olgan "Sheffild"ga qarshi uchrashuvdan (3:1) so‘ng o‘z fikrlarini bildirib o‘tdi.

"Biz ajoyib o‘yin namoyish etdik. Uchrashuvni juda yaxshi boshladik, tajovuzkor o‘yin ko‘rsatib, bosim uyushtirdik va 2 ta gol urdik. Ikkinchi taymda ular gol urgan paytda esa, vahimaga tushmadik.

Mourino hech qachon himoyada o‘ynashimiz kerakligini aytmagan. Hamma gap o‘zimizda - bizda g‘oliblik ruhi bor. Futbolchilar buni his qilishi lozim. Bugun shundan qildik",-dedi "shporlar" yulduzi.