Muhammad Saloh xursand bo‘ldi
“Liverpul” hujumchisi Muhammad Saloh Misrda ukasining to‘yida qatnashib, o‘sha erda koronavirus yuqtirib olgani haqida xabarlar tarqatilgan edi.
Karantinga olingan va shifokorlar nazoratida davolangan futbolchining dastlabki ikki testi musbat natija bergandi. Saloh ma’lum muddatdan so‘ng uchinchi testni ham topshirdi. “Liverpul” bosh murabbiyi Yurgen Kloppning ma’lum qilishicha, bu galgi test futbolchi organizmida virus qolmaganini ko‘rsatgan.
Kasallikdan qutilgan futbolchi APL tibbiy protokoliga binoan kamida o‘n kunlik karantinda o‘tirishi kerak bo‘ladi. Muhammad Saloh joriy mavsumda “Liverpul” safida sakkizta gol urdi.
Fikrlar