MYu "Barselona" futbolchisi uchun 80 million taklif qilgan

"Barselona" yarim himoyachisi Fermin Lopes faoliyatini "Manchester Yunayted"da davom ettirishi mumkin.

Jurnalist Sebasten Vidalning ma’lum qilishicha, ingliz grandi 22 yoshli futbolchi uchun "ko‘k-anorranglilar"ga taxminan 80 million evro taklif qilgan. Manbaga ko‘ra, moliyaviy qiyinchiliklar fonida "Barselona"ga bunday taklifni e’tiborsiz qoldirish oson emas, garchi Lopesning o‘zi hali kelajagi borasida bir qarorga kelmagan bo‘lsa-da.

O‘tgan mavsumda kataloniyaliklar tarbiyalanuvchisi barcha turnirlar hisobida 46 ta o‘yinda maydonga tushib, 8 ta gol urdi va 10 ta golli uzatmani o‘z hisobiga yozdirib qo‘ydi.

Avvalroq, Lopes yangi mavsum starti oldidan "Barselona"ni tark etmoqchi emasligini ma’lum qilgandi.