MYu Ronalduning o‘rnini "Siti" sobiq hujumchisi bilan to‘ldirmoqchi

"Manchester Yunayted" Ronaldu bilan xayrlashganidan so‘ng uning o‘rnini saviyali hujumchi bilan to‘ldirish yo‘llarini izlamoqda.

"Daily Mail" nashri tarqatgan xabarga ko‘ra, mankuniyanliklar o‘z e’tiborini Edin Jeko transferiga qaratgan. U "qizil iblislar" tarkibida Krishtianu Ronalduning yo‘qligini bildirmasligi lozim.

36 yoshli hujumchi 2011-2015 yillar oralig‘ida MYuning azaliy raqibi "Manchester Siti" sharafini himoya qilgan. U ayni paytda "Inter"da o‘ynamoqda. Jeko joriy mavsum klub libosida 23 o‘yinda maydonga tushib, o‘z hisobiga 10 ta gol va 4 assistni yozdirib qo‘ydi.

Uning milanliklar bilan shartnomasi 2023 yilning yozida nihoyasiga etadi.