"Napoli" Kulibalini qanchaga sotmoqchi?

“Napoli” klubi rahbariyati jamoaning senegallik himoyachisi Kalidu Kulibalini qanchaga sotishini ma’lum qildi.

La Gazzetta dello Sport nashrining xabar berishicha neapolliklar prezidenti Aurelio De Laurentis 27 yoshli futbolchini 150 mln evroga baholamoqda. Uning uchun hozirda «Chelsi», «Real», «Barselona» va «Manchester Yunayted» kabi jamoalar kurash olib borishmoqda.

Eslatib o‘tamiz, bundan avvalroq “Napoli” Kulibali borasida bildirilgan 105 mln evrolik taklifni rad etgani haqida xabarlar tarqalgan edi.

Ma’lumot uchun, “Napoli” Kulibalini 2014 yil Belgiyaning “Genk” klubidan 7,75 mln evroga sotib olgan edi.