"Nasaf" ta’tilga chiqdi

Xabaringiz bor, Qarshining "Nasaf" jamoasi kecha Superliganing qoldirilgan 8-turida Muborakning "Mash’al" jamoasini qabul qildi va 1:0 hisobida g‘alaba qozondi. Klub rasmiy sayti tarqatgan xabarga ko‘ra, derbidan so‘ng futbolchilarga 5 kunlik ta’til berildi.

Jamoa a’zolari 15 iyulda ta’tildan qaytishadi va mavsumning ikkinchi yarmiga hozirlik ko‘rishga kirishiladi. Ma’lumot uchun, "ajdarlar" o‘zlarining navbatdagi uchrashuvlarini 30 iyul kuni "Lokomotiv"ga qarshi o‘tkazishadi.