"Nasaf"ning OChL saralashidagi bugungi o‘yini telekanallarda ko‘rsatiladimi?

Bugun "Nasaf" Osiyo Chempionlar ligasida pley-off uchrashuvida maydonga tushadi.

Ro‘ziqul Berdiev shogirdlari final bosqichiga chiqish uchun kurashadi. Bu yo‘lda qarshiliklarga BAAning "Baniyas" klubi raqiblik qiladi. O‘yin Toshkent vaqti bilan soat 21:15 da start olishi rejalashtirilgan.

Ushbu muhim bahs oldidan ko‘plab muxlislar o‘yinni qaerda tomosha qilish borasida murojaat qilmoqda. Ularga shuni ma’lum qilamizki, uchrashuv saralash bosqichi ekanligi bois translyatsiya huquqi biror bir teleradiokompaniyalarda mavjud emas. Shuning uchun telekanallarda o‘yin namoyish etilmaydi. Faqatgina internet tarmoqlarida tomosha qilish mumkin.

Ma’lumot uchun, g‘olib "E" guruhidan o‘rin oladi. Ushbu kvartetda "Al Sadd" (Qatar), "Al Faysali" (Saudiya Arabistoni), "Al Vihdad" (Iordaniya) klublari mavjud.