"Neftchi" ilk xorij yig‘inini yakunladi

Yangi mavsumga tayyorgarlik olib borayotgan "Neftchi" jamoasi ilk xorij yig‘inini yakunladi.

“Neftchi” dastlabki o‘quv-mashg‘ulot yig‘inini Turkiyaning Antalya shahrida tashkil etganidan habaringiz bor. Jamoa yig‘in mobaynida kuniga 2 mahaldan mashg‘ulotlar o‘tkazdi va 5ta nazorat bahsida maydonga tushdi. Dastlab Ruminiyaning “Xermanshtatd” klubi bilan o‘yin o‘tkazib 0:0 hisobida durang o‘ynadi, 15 yanvar kuni Serbiyaning "Mladost" klubi 1:0 hisobida mag‘lub etildi. Shundan so’ng Kosovoning "Prishtina" jamoasi bilan 0:0 hisobidagi duranga imzo chekkan bo‘lsa, yig‘inning oxirgi kunida ikkita nazorat uchrashuvida maydonga chiqdi va har ikki uchrashuvda ham durang natija qayd etdi. Birinchi uchrashuvda Serbiyaning "IMT" jamoasi bilan 1:1 hisobi bilan tugallangan bo‘lsa, ikkinchi uchrashuvda Shimoliy Makedoniyaning "Sileks" klubi bilan 2:2 hisobi qayd etildi. 

Uchrashuvlardan so‘ng “Neftchi” ilk xorij yig’inini yakunladi. "Yo‘lbarslar" endi navbatdagi xorij yig‘inini 29 yanvardan boshlaydi va yangi mavsum oldidan asosiy tayyorgarlik jarayoniga kirishadi.