Nursulton Ro‘ziboevning jangi SPORT TV kanalida efirga uzatiladi

Xabaringiz bor, bugun o‘zbekistonlik MMA jangchisi Nursulton Ro‘ziboev navbatdagi jangini o‘tkazadi. U Rossiyaning Samara shahrida “Open Fighting Championship” turniri doirasida ukrainalik Bogdan Kotlovyanovga qarshi oktagonga ko‘tariladi.

Albatta, ushbu jangni qanday tomosha qilish mumkinligi barcha muxlislarni qiziqtirayotganligi bor gap. Quvonarlisi, ushbu turnirni yurtimizda SPORT TV kanali jonli ravishda efirga uzatadi. Translyatsiya 18:00 dan boshlanadi. Bu borada jangchimizning o‘zi Instagram sahifasida ma’lum qilgan.