O‘zbekiston 2026 yildgi Osiyo o‘yinlarida medallar sonini ikki baravar oshirdi

 Aichi va Nagoya shaharlarida (Yaponiya) o'tayotgan yozgi Osiyo o'yinlarining uchinchi kunida O'zbekiston terma jamoasi jami uchta kumush medalni qo'lga kiritdi.

Ikkita medal aralash yakkakurash turidan keldi. Firdavs Atamuratov 60 kilogrammgacha vazn toifasida modern yo'nalishida finalgacha yetib bordi. Hal qiluvchi bellashuvda u Tojikiston nomidan ishtirok etgan Mirzobek Umarovga 0:3 hisobida mag'lub bo'lib, musobaqani kumush medal bilan yakunladi.

Ayollar o'rtasidagi musobaqada, 60 kilogrammgacha vazn toifasida traditional yo'nalishida Xilola Sobirova kumush medalga sazovor bo'ldi. Finalda u Singapur sportchisi Teo Xuey Xunga yutqazib qo'ydi.

Yana bir kumush medalni terma jamoa hisobiga ushu bo'yicha musobaqada Darya Latisheva olib keldi. U nan'cyuan va nan'dao yo'nalishlarida jami 19,413 ball to'plab, ikkinchi o'rinni egalladi. Bu medal Latisheva uchun Osiyo o'yinlaridagi faoliyati davomidagi uchinchi sovrin bo'ldi.

Shu tariqa, uchinchi musobaqa kuni yakuniga ko'ra O'zbekiston terma jamoasi uchta medal qo'lga kiritdi, ularning barchasi kumush. Jamoa hisobida hozircha oltita medal mavjud: bitta oltin, to'rtta kumush va bitta bronza. Umumjamoaviy medallar reytingda O'zbekiston to'qqizinchi pog'onada bormoqda.