OChL. "Paxtakor" va "Nasaf" nechanchi savatchadan o‘rin egallaydi? "Navbahor" va AGMKning ilk raqiblari ma’lum
O‘zbekiston Superligasi 2022 yilgi mavsum yakuniga etdi. Kelasi mavsum halqaro maydonda ishtirok etadigan jamoalar aniqlandi.
"Paxtakor" mamlakat chempioni sifatida OChL guruh bosqichida ishtirok etadi. "Sherlar" qur’a tashlash marosimida birinchi savatchadan o‘rin oladi.
O‘zbekiston kubogi g‘olibi "Nasaf" ham o‘z yurishini guruh bahslaridan boshlaydi, lekin qur’a paytida "ajdarlar" ikkinchi savatchadan joy oladi.
"Navbahor" Chempionlar Ligasidagi debyutini saralash bosqichidan boshlaydi. Ular o‘z maydonida OFK kubogi g‘olibi Ummonning "Al-Sib" klubiga qarshi o‘ynaydi. Babayan shogirdalri g‘alaba qozonsa, keyingi bosqichda Qatarning to‘rtinchi jamoasiga qarshi maydonga tushadi.
AGMK ham dastlabki bosqichni o‘z maydonida o‘tkazadi. Olmaliqliklar Bangladesh chempioni "Bashundar Kings"ni sinovdan o‘tkazadi. Bu o‘yinda g‘alaba qozonsa, safarda Qatarning uchinchi jamoasi bilan bahs olib boradi.
Manba: FUTBOLIUM
Fikrlar