Og‘ir atletika. Tursunoy Jabborova jahon chempionatida sovrindor bo‘ldi

Og‘ir atletika bo‘yicha O‘zbekiston terma jamoasi Kolumbiya mezbonlik qilayotgan jahon chempionatida dastlabki medallarini qo‘lga kiritdi. -87 kg vazn toifasida bahs olib borgan Tursunoy Jabborova kumush va bronza medallariga ega chiqdi. Bu haqda O‘zbekiston Milliy Olimpiya qo‘mitasi matbuot xizmati xabar bermoqda.

Hamyurtimiz dast ko‘tarish mashqida 112 kg bilan ikkinchi o‘rinni egallagan bo‘lsa, siltab ko‘tarish mashqida 129 kg bilan sakkizinchi pog‘onadan joy oldi. Ikki kurashdagi 241 kg yakunda Jabborovaga bronza medalini taqdim qildi.

Og‘ir atletika bo‘yicha JCh:
Ayollar, -87 kg:

1-o‘rin - Solfrid Koanda (Norvegiya) - 260 (113+147) kg
2-o‘rin - Eylin Tikmatana (Avstraliya) - 249 kg (109+140) kg
3-o‘rin - Tursunoy Jabborova (O‘zbekiston) - 241 (112+129) kg

Shuningdek, tungi dasturda -81 kg vazn toifasida ishtirok etgan Rigina Adashbaeva umumiy hisobda 220 kg bilan 18-natijani qayd etdi.