OKMK "Lokomotiv"ga qarshi o‘rtoqlik o‘yinida maydonga tushdi

Superligadagi tanaffusdan unumli foydalanish maqsadida «konchilar» bugun Toshkentning «Lokomotiv» klubi bilan nazorat uchrashuvini o‘tkazdi. O‘yin 30 daqiqalik 4 taymdan iborat bo‘lib, umumiy hisobda olmaliqliklar 2:1 natijasida g‘alaba qozonishdi.

Qiziqarli o‘tgan uchrashuvda OKMKdan Aziz Xolmurodov va Eldorbek Begimov raqib darvozasini ishg‘ol qilishdi, «temiryo‘lchilar»dan esa Temur Mamasiddiqov bir bor javob qaytarishga erishdi.