OKMK serbiyalik yarim himoyachi bilan shartnoma imzoladi

Urosh Koyich OKMK  futbolchisi! 

Olmaliqning OKMK  jamoasi tarkibni kuchaytirishda davom etadi. Serbiyalik hujumkor yarim himoyachi Urosh Koyich bilan rasmiy shartnoma imzolandi. Klub va futbolchi o‘rtasidagi hamkorlik kelishuvi 2+1 tizimida rasmiylashtirildi.

22 yoshli yangi futbolchimiz asosan Serbiya chempionatlarida toblangan bo‘lib, faoliyati davomida "Borats", "Indjiya" va "Loznitsa" kabi klublar sharafini himoya qilgan. U professional darajada jami 87 ta o‘yinda maydonga tushib, o‘z hisobiga 17 ta gol va 4 ta golli uzatmani yozdirib qo‘yishga muvaffaq bo‘lgan.

Shuningdek, Urosh Koyich professional faoliyatiga qadar "Vozhdovats U-19" jamoasi safida 33 ta uchrashuvda ishtirok etib, 4 bor raqiblar darvozasini ishg‘ol etgan.