ONE Championship Turkiya hamda qozog‘istonlik iste’dodlar bilan shartnoma tuzdi!

ONE Championship promousheni mag‘lubiyatsiz seriya qayd etayotgan jangchilar bilan shartnoma imzolaganini e’lon qildi. Ular – Samat Mamedov (Qozog‘iston) va Alibeg Rasulov (Turkiya). Har ikki jangchi ham professional faoliyatida mag‘lubiyatga uchramagan. Ularning jang sanasi va raqiblari keyinroq ma’lum qilinadi.

 Avvalroq, ONE promoushenining uch vazn toifasida chempioni, rossiyalik Anatoliy Malixin to‘rtinchi marta chempionlikni qo‘lga kiritishga tayyorligini ma’lum qilgandi. Mart oyida Qatarda bo‘lib o‘tgan "ONE 166" turnirida Malyxin gollandiyalik Rene de Ridderni texnik nokaut bilan mag‘lub etdi va o‘rta vazn toifasida (93 kg) promoushenlik chempioniga aylandi. Ilgari rossiyalik yarim og‘ir vaznda (103 kg) va og‘ir vaznda (120 kg) kamarlarni qo‘lga kiritgan.