Onkologiya markazi uchun 5 million so‘m hayriya qilindi (foto)

  "O‘zbekiston" sport majmuida "Sport - sog‘lik uchun!" shou-dasturi bo‘lib o‘tdi. Uning qahramonlari futbolimiz yulduzlari hamda qalam ahli bo‘ldi.

  Azamat Abduraimov va Xayrulla Hamidov jamoalari mini-futbol bo‘yicha uchrashuv o‘tkazdi. Uchrashuvda Ravshan Ermatov, Mirjalol Qosimov, Azamat Abduraimov... Xayrullo Hamidov, Davron Fayziev, Eldor Mustafoev kabi sport jonkuyarlari maydonga tushdi.

  O‘yinda 6:6 hisobi qayd etilganiyoq, uchrashuvning bag‘oyat qiziqarli o‘tganidan dalolat.

  Uchrashuvning tanaffus paytida zaif eshituvchilar o‘rtasida Jahon chempioni bo‘lgan U-18 terma jamoasi Elmakon tomonidan taqdirlandi. Shuningdek, Elmakon onkologiya markazi uchun 5 million so‘mlik hayriya chekini taqdim etdi.