O‘runov qachon maydonga qaytishi ma’lum bo‘ldi

"Spartak" yarim himoyachisi Oston O‘runov jarohati bois, Rossiya Premer-ligasi 11-turidan o‘rin olgan "Ximki"ga qarshi o‘yinni o‘tkazib yubordi. 19 yoshli futbolchi O‘zbekiston milliy terma jamoasining Toshkentdagi yig‘inida jarohat olgan edi.

Moskva klubi rasmiy sayti tarqatgan xabarga ko‘ra, O‘runov jarohatidan forig‘ bo‘lib, maydonga qaytishi uchun yana 10 kun talab etiladi. Shu tariqa, hamyurtimiz Rossiya kubogi doirasida "Enisey" jamoasiga qarshi uchrashuvni ham o‘tkazib yuborishi aniq bo‘ldi.