O‘tkir Yusupovning operatsiyasi muvaffaqiyatli o‘tkazildi

O‘zbekiston milliy terma jamoasi darvozaboni O‘tkir Yusupov Avstriyada tizzasida o‘tkazilgan jarrohlik amaliyotini muvaffaqiyatli tarzda yakunladi.

Bugun futbolchimiz davolanish olib borilgan klinikadan chiqadi va reabilitatsiya jarayonini “Armonia” nomli maxsus tibbiy markazda davom ettiradi. Tiklanish jarayoni malakali mutaxassislar nazorati ostida amalga oshiriladi.

O‘tkir Yusupov tez orada to‘liq sog‘ayib, yana maydonga qaytishini tilab qolamiz.