O‘zbekiston U-17 terma jamoasining o‘yinlari sanasi ma’lum

Saudiya Arabistonida mezbonligida o‘tadigan 17 yoshgacha bo‘lgan futbolchilar o‘rtasidagi Osiyo kubogi bahslariga qur’a tashlandi. Qur’a natijalariga ko‘ra, terma jamoasizga Shimoliy Koreya, Hindiston va Avstraliya raqiblik qiladi. Vakillarimiz ilk uchrashuvini 6 may kuni Shimoliy Koreyaga qarshi o‘tkazadi. O‘yin Toshkent vaqti bilan 19:30da start oladi. Ikkinchi turda esa 10 may sanasida Hindiston terma jamoasi bilan bellashadi. O‘yin soat 20:00da boshlanadi. O‘smirlarimiz so‘nngi turda 13 may kuni avstraliyalik tengqurlariga qarshi maydonga chiqadi. Uchrashuv 19:00da start olishi belgilangan.

Ma’lumot uchun, qit’a birinchiligi 5-22 may kunlari bo‘lib o‘tadi.