O‘zbekistonning pley-offdagi raqibi Isroil jahon chempionatiga sensatsiya qilish uchun kelgan!

30 may, 2023, 19:33
2
Futbol

Argentina mezbonlik qilayotgan 20 yoshgacha futbolchilar o‘rtasidagi jahon chempionatida guruh bahslaridan muvaffaqiyatli o‘tgan jamoalar pley-off bosqichiga tayyorgarlik ko‘rmoqda.

A guruhida to‘rt ochko jamg‘argan holda ikkinchi o‘rinni egallab, guruh bosqichidan o‘tib olgan O‘zbekiston terma jamoasi nimchorak finalda Evropa vakili – Isroil futbolchilari bilan raqobatlashadigan bo‘ldi.

1678959356.8555

Isroilliklar S guruhidan chiqdi. Xuddi o‘zbekistonliklar kabi bu terma jamoa uchta o‘yinda bittadan g‘alaba, durang va mag‘lubiyat qayd etib, to‘rt ochko jamg‘ardi va ikkinchi pog‘onadan joy olib, musobaqani davom ettiradigan bo‘ldi.

O‘zbekiston terma jamoasi chorak final yo‘llanmasi uchun ushbu jamoa bilan to‘qnash kelishini inobatga olib, Isroil termasi haqidagi ma’lumotlarni e’tiboringizga havola etamiz:

Isroil futbolchilari Argentina mezbonlik qilayotgan jahon chempionati yo‘llanmasini 2022 yili 19 yoshgacha bo‘lgan futbolchilar o‘rtasidagi Evropa chempionatida qo‘lga kiritgan. Slovakiya mezbonlik qilgan qit’a birinchiligida bu jamoa finalgacha etib keldi.

Chempionlik jangida ular zamonaviy futbol vatani – Angliya vakillariga imkoniyatni boy berib qo‘ydi. Shunga qaramay, isroilliklar jahon chempionati yo‘llanmasini naqd qilib ulgurgandi.

* * *

Jamoaga Ofir Xaim bosh murabbiylik qilmoqda. Evropa chempionatida shov-shuvli natija qayd etgan mutaxassis endi jahon miqyosida sensatsiya qilishni ko‘zlamoqda.

Xaim bahslarda 4-2-3-1 sxemasidan foydalanishni xush ko‘radi. Shogirdlari to‘pni doimiy nazorat qilishi, tez va maqsadli hujum uyushtirishini talab qiladi. O‘zi hujumchi bo‘lgan Ofir Xaim Isroil ligalarida muvaffaqiyatli o‘ynagan. 2004 yili milliy chempionat to‘purari bo‘lgan.

* * *

Jamoaning asosiy o‘yinchisi El Yam Kanchepolskidir. Bu o‘yinchi sovuqqonligi, taktik intellekti yaxshi rivojlanganligi va to‘pni yaxshi nazorat qila olishi bilan ajralib turadi. Isroil jamoasi tempini aynan mana shu futbolchi belgilaydi.

19 yoshli futbolchi o‘tgan yili Evropa chempionati yarim finalida Frantsiya terma jamoasi darvoo‘asini ishg‘ol qilib, jamoasini finalga olib chiqqanidan keyin mutaxassislar e’tiboriga tushdi.

Kanchepolski o‘yin uslubi jihatidan Serxio Buskets va Andres Inestaga taqlid qiladi.

* * *

Isroilliklarning yana bir iste’dodli o‘yinchisi sifatida Ilay Medmon keltirilmoqda. Jismonan baquvvat yarim himoyachi maydonda o‘zini juda xotirjam tutadi. Uning yana bir ustunligi taktik sxemalarda asosiy rolni ijro eta olishidir. Medmon o‘tgan yilgi qit’a birinchiligida terma jamoaga sardorlik qildi.

Argentinadagi jahon chempionatida Isroil terma jamoasi vakillaridan Dor Turgeman, Roy Navi, Omer Senior raqiblar darvozasiga bittadan to‘p kiritdi.

568edf37c5e7d875ad3adcd35dcbd023

* * *

Chorak finalga chiqish uchun O‘zbekiston yoshlariga raqiblik qiladigan Isroil terma jamoasi 20 yoshgacha bo‘lgan futbolchilar o‘rtasidagi jahon chempionatida ilk marotaba ishtirok etmoqda.

* * *

O‘zbekiston va Isroil terma jamoalari o‘rtasidagi uchrashuv 31 may kuni tungi 02:00 da boshlanadi.