Parij-2024 Paralimpiya o‘yinlariga chiptalar sotuvi qachon boshlanishi e’lon qilindi

Parij shahri kelasi yilning 28 avgustidan 8 sentyabriga qadar navbatdagi yozgi Paralimpiya o‘yinlariga mezbonlik qiladi. Dunyoning eng sara para atletlari o‘zaro bahs olib boradigan nufuzli sport anjuminini bevosita Frantsiya poytaxtidagi muhtasham arenalardan turib kuzatish istagidagi insonlar ham ko‘pchilikni tashkil qiladi.

Xalqaro Paralimpiya qo‘mitasi rasmiy saytida ma’lum qilinishicha, Parij-2024 yozgi Paralimpiya o‘yinlari chiptalari joriy yilning 9 oktyabridan sotuvga chiqariladi. Qayd etilishicha, ushbu chiptalarning yarmi 25 evrogacha bo‘ladi.