Peres “Real”ning yozgi transfer oynasidagi rejalari haqida gapirdi

Madridning “Real” klubi prezidenti Florentino Peres “qirollik klubi”ning yozgi transferlar oynasi paytidagi rejalari bilan o‘rtoqlashdi.
Peresning aytishicha, hozircha "qaymoqranglilar" yangi o‘yinchilarni sotib olishni rejalashtirgani yo‘q.

“Hozircha boshqa transferlarni amalga oshirish haqida o‘ylaganimiz yo‘q. Ammo aniq bir narsa deya olmayman. Yoz uzoq va biz o‘zimiz uchun kerakli bo‘lgan futbolchilarning o‘yinini kuzatmoqdamiz”, dedi Peres “El Chiringuito” nashriga bergan intervyusida.

Ma’lumot o‘rnida, joriy yozda madridliklar “Monako” yarim himoyachisi Orelen Tchuamenini 100 million evro evaziga xarid qildi. Shuningdek, “Chelsi” himoyachisi Antonio Ryudigerni ham erkin agent maqomida o‘z safiga qo‘shib oldi.