PSJ jahon chempionini oladi

Argentina terma jamoasida jahon chempionligiga sazovor bo‘lgan Enzo Fernandez yozgi transferlar davrida “Chelsi”ni tark etib, Fransiya chempionatiga yo‘l olishi mumkin.

Tajriba­li yarim himoyachi Yevropa Chempionlar ligasi va Fransiya chempionati g‘olibi “Pari Sen-Jermen” klubi diqqat markaziga tushdi. Bu haqida ESPN jurnalistlari L’Equipe nashriga tayanib xabar berdi.

Manbaga ko‘ra, Parij klubi mutasaddilari “Chelsi”da italyanlik bosh murabbiy Enzo Mareska ish­dan olinganidan keyin London klubida yuzaga kelgan murakkab vaziyatdan foydalanib qolishni ko‘zlayapti.

Joriy mavsumda Fernandez barcha musobaqalarda 30 ta o‘yinda ishtirok etib, 8 ta gol va 3 ta golli uzatma muallifi bo‘ldi. Uning klub bilan shartnomasi 2032 yil yozigacha amal qiladi. Transfermarkt ma’lumotiga ko‘ra, futbolchining bozor qiymati 85 million yevroga teng.