Pyanich: Menga Kuman bilan ishlash yoqyapti

"Barselona" yarim himoyachisi Miralem Pyanich kataloniyaliklarning yangi ustozi Ronald Kuman qo‘l ostida o‘ynash unga yoqayotganini aytdi.

“Kuman menga ishonch bag‘ishladi. U menga o‘zimdek bo‘lishim kerakligini aytdi. Biz mavsum startiga puxta tayyorgarlik ko‘ryapmiz. Bunga to‘liq tayyor bo‘lishimizga ishonaman. “Barselona”dagi debyutimni esa muxlislar oldida o‘tkazishni xohlardim”, - deydi bosniyalik futbolchi.

30 yoshli Pyanich “Barselona”ga shu yoz “Yuventus”dan ko‘chib o‘tdi. Kataloniyaliklar La Liganing ilk turini 27 sentyabr kuni o‘z maydonida “Vilyarreal”ga qarshi o‘tkazadi.