Qishda Pogba uchun Evropaning 3 grandi kurash olib boradi

Davralar oralig‘ida tashkil etiladigan qishki transferlar davrida "Manchester Yunayted" yarim himoyachisi Pol Pogba uchun Evropaning 3ta grandi o‘zaro kurash olib boradi.

Tuttosport tarqatgan xabarga qaraganda 25 yoshli frantsiyalik futbolchiga "Yuventus", "Barselona" va PSJ klublaridan jiddiy qiziqishlar mavjud. Aynan mana shu jamoalar yanvarda Pogbani sotib olishga harakat qilib ko‘rishadi.

Ma’lumot uchun, Pogba joriy mavsum “Manchester Yunayted” safida jami 9ta o‘yinda maydonga tushdi va o‘z hisobiga 4ta gol hamda 2ta golli uzatma yozdirib qo‘yishga erishdi.