"Qo‘qon-1912" Toshkentdagi yig‘inda qaysi raqiblarga qarshi o‘ynaydi?

Baxtiyor Ashurmatov boshchiligidagi “Qo‘qon-1912” jamoasi Farg‘onada tashkil etilgan “Hokim Kubogi”dagi musobaqadan so‘ng endi oxirgi tayyorgarlik bosqichini o‘tkazish uchun yana bir bor Toshkentda yig‘inga kirishdilar.

Ma’lum bo‘lishicha, qo‘qonliklar poytaxtda 22 fevralga qadar shug‘ullanishadi. Shu vaqt davomida nazorat uchrashuvlari ham o‘tkazilishi belgilab qo‘yilgan. Jumladan, 14 fevralda Muborakning “Mash’al” klubi bilan kuch sinashsa, 17 fevral sanasida “So‘g‘diyona” qo‘qonliklarning raqibiga aylanadi.

Eslatib o‘tamiz, “Qo‘qon-1912” jamoasi yangi mavsumning dastlabki uchrashuvini o‘z maydonida “Buxoro”ga qarshi o‘tkazadi.