"Qo‘qon-1912"ning etakchilaridan biri jarohatidan qutuldi, ertaga nazorat o‘yini bor
Bugun Murod Xolmuhammedov, Aleksandr Merzlyakov va Javohir Sidiqov bilan shartnoma imzolagan "Qo‘qon-1912" jamoasining Toshkent shahridagi o‘quv-yig‘in mashg‘ulotlari qizg‘in tarzda davom etmoqda.
Klub matbuot xizmatining yozishicha, futbolchilar bugun kunning birinchi yarmida normativ testlarni topishirishdi. Kunning ikkinchi yarmida esa Toshkent viloyatida joylashgan "Do‘stlik" stadionida mashg‘ulotlar bo‘lib o‘tdi.
Jamoaning universal futbolchisi Oybek Rustamov jarohatidan qutulib asosiy tarkib mashg‘ulotlariga qo‘shilgani ma’lum bo‘ldi. Hujumchi Shahzodbek Nurmatov esa alohida mashg‘ulotlarda ishtirok etmoqda.
Ertaga "shunqorlar" nazorat o‘yinida maydonga tushishadi. Muborakning "Mash’al" jamoasiga qarshi bo‘lib o‘tadigan uchrashuv "Do‘stlik" stadionida, soat 14:00 da boshlanadi.
Fikrlar