Rangnik bu transferga rozi bo‘ladimi?

“Manchester Yunayted”da o‘z o‘rnini topa olmagan Niderlandiya terma jamoasi yarim himoyachisi Donni van de Bek A Seriya grandlari – “Yuventus” va “Inter” nishoniga tushdi.

Har ikki klub iste’dodli pleymeykerni yanvar oyidayoq o‘z safiga qo‘shib olishga tayyor.

Manchesterga kelganidan beri asosiy tarkibga kira olmayotgan 24 yoshli futbolchi ham tezroq ketishni istamoqda. Avvaliga Ule-Gunner Sulsher davrida o‘zini ko‘rsata olmagan Donni van de Bek  yangi bosh murabbiy Ralf Rangnikning ham e’tiborini qozona olmadi.

Uning “Manchester Yunayted” bilan amaldagi shartnomasi 2025 yilning yozigacha imzolangan.