Rasman! Koutino yangi mavsumni "Bavariya"da o‘tkazadi

Myunxenning “Bavariya” klubi o‘zining rasmiy saytida “Barselona” vingeri Filippe Koutinoni ijaraga olganini rasman tasdiqladi.

Yuqoridagi manbaaga ko‘ra nemis grandi 27 yoshli futbolchini keyinchalik sotib olish huquqi bilan 1 yilga ijaraga olishgan. Koutino tez orada “Bavariya”da tibbiy ko‘rikdan o‘tadi va shartnoma imzolaydi.

Ma’lumot uchun, Koutino “Barselona” safida 2018 yilning yanvaridan buyon to‘p surib kelmoqda. U o‘tgan davr mobaynida jami 76ta o‘yinda maydonga tushdi va 21ta gol hamda 11ta golli uzatma yozdirib qo‘yishga erishdi. Uning klub bilan amaldagi shartnomasi esa 2023 yilga qadar imzolangan.