RCC promousheniga yangi qoida qo‘shilishi mumkin

RCC rahbari Nikolay Klimenkoning aytishicha, "RCC Hard 11" ning asosiy to‘qnashuvi jang qoidalarini o‘zgartirishga olib kelishi mumkin.

"Fomich va Gadji jangi bizni RCC Hard qoidalarini o‘zgartirish haqida o‘ylashga majbur qildi. Agar biz promoushenda kechaning eng yaxshi jangi uchun bir million rubl bonus to‘lasak, unda faol bo‘lmagan jang uchun sariq kartochkani ham joriy qilishimiz kekrak. Bu bo‘yicha tez orada Rossiya boks federatsiyasi bilan uchrashuvlar o‘tkazamiz va qaror qabul qilamiz”, — deya Klimenkoning so‘zlarini keltirdi RCC matbuot xizmati.

Eslatib o‘tamiz, o‘tgan shanba kuni og‘ir vazn toifasida Gadji “Avtomat” Navro‘zov va Oleg “Fomich” Fomichev besh raundlik jang o‘tkazgandi. Ammo bahsdan tomoshabinlar va tashkilot rahbariyatining ko‘ngli to‘lmadi.