"Real": "Barselona"ni tabriklaymiz!

Ispaniya Qiroli kubogining finalida "Barselona" "Atletik" Bilbaoga qarshi bahs olib bordi va raqibini 4:0 hisobida engib, titulga ega chiqdi. Kataloniyaliklarning azaliy raqibi hisoblanadigan "Real" rasmiy "Tvitter sahifasi ularni chempionlik bilan tabrikladi. 

"Barselona" klubini 2021 yilgi Ispaniya Qiroli kubogidagi g‘alaba bilan tabriklaymiz", - deb yozadi "Qirollik klubi" rasmiy sahifasi. 

Ma’lumot uchun, ushbu kubok "ko‘k-anorranglilar"ning tarixdagi 92-tituli hisoblanadi. Aynan Ispaniya Qiroli kubogini yutish bo‘yicha "Barsa"ga teng keladigan klub yo‘q (bugungi g‘alaba bilan 31 ta kubok). 

Shuningdek, tarixdagi umumiy sovrinlar borasida jamoa "Real"ga tenglashib ham oldi.