“Real” Benzemaning o‘rniga boshqa Karimni olib keladi

“Real” mutasaddilari anchadan beri jamoaning asosiy to‘purari Karim Benzemaning o‘rnini bosishga qodir hujumchi qidirmoqda.

Ma’lumotlarga qaraganda, madridliklar “Borussiya” futbolchisi Karim Adeyemini nishonga olgan.

Football-Espana nashri “Qirollik klubi” 21 yoshli germaniyalik o‘yinchiga jiddiy qiziqayotganini tasdiqladi. Karim Adeyemining transfer narxi 35 million evroni tashkil qilmoqda.

Futbolchining dortmundliklar bilan shartnomasi 2027 yilning yarmigacha imzolangan.

Adeyemi joriy mavsumda Bundesligada 14 ta uchrashuvda qatnashib¸bittadan gol va assist qayd etgan.