"Real" Vinisius bilan shartnoma uzaytirilganini bugun e’lon qilishi kutilmoqda
"Real" Madrid rahbariyati bugun jamoa yulduzi Vinisius Junior bilan shartnoma uzaytirilganini e’lon qiladi. Bu haqda Ispaniyaning taniqli "AS" nashri xabar berdi.
Manbaga ko‘ra, futbolchi jamoada 2027 yilga qadar qolishi mumkin bo‘ladi. Ma’lum qilinishicha, shartnoma allaqachon imzolanib bo‘lingan. Uni faqat ommaga oshkor etish qolgan, xolos.
Ma’lumot o‘rnida, Vinisius joriy mavsum La Liganing 11 o‘yinida 5 gol va 3 assistni o‘z nomiga yozdirib qo‘ygan.
Fikrlar